喺《藍色生死戀》入面扮演小恩熙嘅文根英，上個月以一百七十萬港元同韓國學生服品牌簽咗一年合約，點知佢竟然將呢筆酬勞，全額捐畀當地嘅兒童癌症基金會！文根英嘅媽咪話：「文根英因為有大眾嘅愛護，先至有今日嘅成就，所以佢以藝人身份，捐出自己嘅收入嚟幫助社會，係理所當然嘅事！」如果啲藝人個個都好似佢咁慷慨，呢個世界一定會更加美好！