黎姿雖然演戲年資不淺，不過直至最近在無綫播出的劇集《金枝慾孽》中，她的演技才獲得觀眾讚賞，她表示為了演好角色，事前下了不少功夫，而黎姿現時最渴望的是有一段好姻緣，更視做家庭主婦為終身職業。
黎姿主演的《金枝慾孽》現正在無綫播出，她在片中飾演一名外表弱質纖纖，但實則是個工於心計的女子玉瑩，一場戲要轉換多個表情，極具難度，可幸的是劇集在出街之後，黎姿的演技備受好評，令她鬆一口氣。
而該劇在拍攝期間，屢次傳出多位女角爭戲博出位，黎姿就覺得無此必要，因為她認為演戲應該是恰如其分，不要過火位，而她對自己在劇中的演出亦相當滿意。
十四歲已入行的黎姿，並沒有視演戲為終身職業，她說：「我嘅終身職業係做家庭主婦，我好想嫁亦好恨結婚，所以追我嘅男仔，我都會同佢哋講唔好玩我，因為我好認真，絕對投入，我亦贊成同居，唔試過點知夾唔夾，兩個人一齊生活過，先知以後係咪可以相處落去，我係現代女性，亦係保守女人，濫交唔得，同一時間唔可以有多過一個男朋友。」
黎姿坦言現在不乏追求者，奈何未有合適對象，但仍十分期盼有一段美好良緣，結婚生兒育女，她說：「幾年前，我突然之間好有衝動想生BB，諗住冇結婚唔緊要，可以做未婚媽媽，但最後都冇咁做，因為唔可以因為自己想要就生，咁對小朋友唔公平。」
採訪：陳月萍 攝影：林德雄
髮型：HairofKelvinKoo 化妝：RickChin
場地提供：天與地（中環）
