梁詠琪和梁家輝昨日在中環出席《導盲犬小Q》愛心惠澤SAA記者會，由於票房頗佳，電影公司將部份票房收益以及五十萬元善款捐贈予保護遺棄動物協會，並將昨日定為「香港動物日」。
家輝自其岳父過身後首次公開露面，他表示妻子心情已經平復，至於有人讚他在《餃子三更2之一》中演出十分性感，他笑說：「我sexy你哋今日至知咩？呢個朵都有成十幾二十年，我好耐冇睇過自己所演嘅床上戲。」對於有指威尼斯影展中的觀眾看完《三更2》後作嘔，家輝笑說：「我拍食鴨仔蛋嗰場戲都有人嘔啦。」
此外，梁詠琪早前穿上警察制服做商台活動後惹麻煩，她昨日說：「警察公共關係科係有聯絡我，要我去落口供，但應該冇事，因為係借衫畀商台嗰間公司負責，拍戲時着戲服都係咁，我唔會去深究着完有冇問題，又或者佢哋有冇申請。」