Rosemary昨日在銅鑼灣鬧巿的櫥窗做內衣騷，吸引男士圍觀和拍照。擁有36D上圍的Rosemary表示靠游背泳和kickboxing保持胸部線條。
混血名模Rosemary及兩名外籍模特兒，昨日在銅鑼灣崇光百貨，出席內衣品牌黛安芬「電視廣告真人show」。
模特兒穿上多款具pushup功能的新款胸圍，在櫥窗擺誘人甫士，引來大批巿民圍觀，不少男士更用手提電話、DV機對準36D的Rosemary狂影。Rosemary對此說：「我企喺櫥窗裏面好靜，冇乜聲，只係見到攝影師影相啫，何況用電話影相嘅解像度好低，櫥窗玻璃又反光，冇事㗎。」
談到健胸心得，Rosemary表示她游背泳和打kickboxing保持胸部線條，間中會做spa。問她胸大可有負擔？她說：「若果Ecup就太huge（大）喇！我𠵱家都OK，平日都會戴運動型bra支撐，瞓覺一定戴胸圍，因為『黑珍珠』納奧美金寶話過睡姿會影響胸部，佢自細戴corset瞓，我都試過一、兩次，不過唞唔到氣，瞓唔着，惟有放棄。」
Rosemary母親Julie又大讚愛女身材正，無懼被睇蝕，她說：「工作啫，靚女自然多人望，睇可以，用手就梗係唔得啦，人身攻擊喎。」Julie又表示女兒沒有飲鮮奶和吃木瓜豐胸，她說：「佢係真材實料，百分百真，我哋唔做假嘢，不過唔好成日講大，線條最緊要。」
採訪：RitaLeung
攝影：ChanChiLam
