後日就係立法會大選，喺最後衝刺階段，各候選人都出盡法寶，金融服務界噚日公布一批一百二十多人嘅支持者名單，當中不乏城中富豪名人，包括鄭裕彤、李兆基、曾憲梓，連胡經昌個名都落埋，一於自己支持自己。之前自由黨候選人馮家彬話彤叔旗下證券行支持佢，同今次胡經昌出嘅支持名單好似有出入，但最後投票嗰日，相信都唔會係彤叔自己去，究竟選票投去邊都幾難講。近日界別內氣勢急升嘅張華峰，近日就印咗張騎馬手執關刀嘅宣傳單張，好似要大殺三方咁款。
講開商界選舉，噚日都有一個選舉，係工商專業聯會改選。「上海姑爺」羅康瑞唔再做會長，佢話自己出門頻繁，冇法經常參與會務，於是升上神枱做永遠名譽會長，新一屆會長由前政務司鍾逸傑出任，主席就由黃匡源連任。
傳真︰2623-9278
電郵︰