陳霽平在無綫劇集《金枝慾孽》中，扮演皇帝寵妃鄧萃雯的近身，對於這套劇集大受觀眾歡迎，她相信是因為劇情夠複雜，一眾女主角之間勾心鬥角夠吸引，才會令觀眾看得投入。
對於《金枝慾孽》獲得不俗的反應，陳霽平直言感到十分開心，她笑言相信是因為《金》一眾女主角之間勾心鬥角的故事夠吸引，才會令觀眾看得津津有味。
陳霽平更賣花讚花香，自言覺得《金》劇真的好好看，每當不用開工時，她都會留在家中等看《金》劇。
陳霽平日前說：「我覺得《金》劇好睇，主要係因為觀眾睇咗好有共鳴，人與人之間真係好複雜，好多勾心鬥角。我好認同一旦有好多女仔嘅地方就會變得好複雜，同埋會有好多是非。」陳霽平又笑言幸好該劇雖然有不少女藝人參演，但大家合作其間只在劇中勾心鬥角，並沒有在現實中假戲真做。
而日前生日的陳霽平，表示今次的生日願望是希望可以覓得一位痛錫她的男朋友，她說：「冇幾耐之前我同男朋友分咗手，𠵱家都係隨緣，我唔會特別刻意去結識，但遇到啱嘅都會拍拖。」
問到陳霽平的擇偶條件時，她說：「我欣賞男仔有性格，有事業基礎，唔一定要好有錢同好靚仔，最緊要係好關心我，同埋合眼緣。」
採訪：比華利 攝影：何國豪
髮型：AndyWong&Zap（CHIN.G）
化妝：NaviLam 服裝：MissSixty
