【本報訊】香港電台昨舉行立法會九龍東選舉論壇，民建聯陳鑑林自稱受市民支持，批評社會上有些人想抹黑他，「社會上有人希望營造一個情況，就係陳鑑林唔受歡迎。」他又批評對手獨立候選人鄭經翰在擔任電台節目主持時，與民主黨李柱銘裏應外合。鄭經翰則揶揄陳鑑林：「我唔會同你裏應外合，因為我睇唔起你。」
鄭經翰又借批評工聯會陳婉嫻而諷刺陳鑑林。「嫻姐，要兩害取其輕，點樣秤法，你都好過陳鑑林。你形象太好，連我都俾你呃咗十幾年。你講一套做一套，保皇黨喺地區就講勞工，喺議會冇做到關注勞工政策。」陳婉嫻強調工聯會百多個屬會，多年來處理很多勞資糾紛和為工人爭取權益。
對於陳鑑林批評民主派常常到美國，鄭經翰反駁，「好過有啲人搞唔掂，高調上北京要搵中央幫手。」同區參選者尚有獨立梁家傑及民主黨李華明名單。