自由黨主席田北俊瞓身參加直選，佢細佬田北辰亦暗挺大佬。有大埔街坊向八方報料，話大埔中心間由田二少經營嘅時裝連鎖店G2000近日大減價，一套西裝都係幾百蚊，幾十蚊就有條領呔，商舖減價好平常，但呢位街坊心水清，指呢間G2000貼咗幾張田少嘅競選海報，佢話雖然田二少未必有明益選民幫田大少拉票嘅企圖，不過卻可以引起選民聯想喎。
此外，自由黨月前喺火車站大賣廣告，其中一款係宣傳自由黨喺二十三條一役「轉軚」，有人向選舉事務處投訴自由黨冇將呢款廣告列為競選廣告，當局諮詢律政司後指廣告無關於選舉嘅字眼，亦冇候選人資料，因此唔算係競選廣告，即係自由黨賣廣告，田少唔使計入選舉經費，怪唔得田少話使唔晒選舉經費嘅上限啦！
傳真︰2623-9278
電郵︰