有線劇集《靈異偵緝檔案II》昨日在尖沙嘴舉行記者會，近日婚變的施念慈成為眾人的話題，黃日華及梁榮忠不停取笑她，施念慈只好一直陪笑。
梁榮忠提到拍攝時遇到的靈異事件，他說：「施念慈有事嗰陣，佢老公都間中有揸車接佢，你話係靈唔靈異。佢重要一個禮拜接三、四晚，咁冇接嗰幾晚去咗邊？」黃日華接着說：「去打波！」施念慈聞言忍不住說：「去打友誼波呀！」
黃日華其後說：「施念慈真係有專業精神，連跳樓戲都親身上陣，不過，好彩唔係𠵱家發生呢件事（婚變），如果唔係跳咗落去。」
提到婚變一事成為焦點，施念慈說：「嗰陣都有同佢哋講，佢哋會以男人心態話畀我知，我知佢哋講笑，就算幾唔開心我都唔會自殺。」
採訪、攝影：楊潔雯