唔知大家重記唔記得律師兼反填海精英徐嘉慎收到死亡恐嚇單嘢，八方好肯定，警方港島總區重案組未有忘記，皆因佢哋話單案重查緊，file未close。至於事到如今重有乜好查，重案組查到啲乜，警方就無可奉告。
點解八方失驚無神提起呢單嘢？事關八方近日無意中睇到舊年十月引發全港報紙A1頭條大新聞嘅恐嚇信，（對唔住，冇得影印），原來係一封以簡單英文寫嘅信，所以一睇就明，數埋唔夠十行。內容除咗清楚寫出「雲絲頓．徐」名下嘅三個車牌號碼，重寫得出徐老太同徐太嘅日常出入場所，收尾重話徐老太可能會有意外，徐太就……，都係唔講得，sorry。
（圖）徐嘉慎保護維港不遺餘力，卻因為一封恐嚇信令到佢要辭去保護海港協會主席一職。
傳真︰2623-9278
電郵︰