李克勤前晚氣管敏感，但仍堅持在香港大球場舉行的金牌精英大匯演中現場獻唱，他與陳慧琳在後台遇上中國奧運健兒時，即如小影迷般爭相合照。而與「欄王」劉翔合唱的古巨基，則大讚對方的歌藝有進步，女排教練陳忠和率眾隊員高歌也甚有heart。
前晚在香港大球場舉行的《中國人的驕傲——奧運金牌精英大匯演》中，參演的八名歌手包括李克勤、譚詠麟、古巨基、陳慧琳、容祖兒、楊千嬅、許志安及方力申，克勤雖然氣管敏感未愈，不過前晚仍帶病現場獻唱，表現專業。
克勤前晚難得與眾健兒同場演出，他在後台爭取機會與男子十米高台單人跳水金牌得主胡佳，以及有「玻璃美人」稱號、身高達一米九七的中國女排高妹趙蕊蕊等合照，而陳慧琳亦趁機找「欄王」劉翔簽名拍照，尤如fans般。
克勤接受本報電話訪問時說：「我有同趙蕊蕊影相，佢好靚女，又高，我到佢膊頭咋，我亦有同胡佳、李婷影相，最遺憾係見唔到跑一萬米嘅邢慧娜，一萬米好難捱，但佢跑得好有策略。」
克勤認為前晚觀眾表現得十分熱情，他說：「啲運動員唱乜嘢歌其實冇乜所謂，係睇佢哋嘅風采啫。」提到不少歌手咪嘴，克勤說：「個個情況唔同，我唔知人哋點啦，但我就會盡量唱現場，我好驚唔唱live，因為次次啲人都聽得出。」
有份演出的古巨基前晚接受本報電話訪問時，大讚女排教練陳忠和率領隊員高歌《愛拼才會贏》令人感動，基仔說：「佢唱得好好，好有heart，佢表現得好興奮，睇到團隊精神，我都睇到好感動。」提到再與劉翔合唱《好想好想》，基仔說：「今次佢重唱得好過上次，更加進步，表現好穩。」
另一方面，前日有消息指英皇欲簽田亮，英皇高層吳雨昨日說：「係有接觸過，但唔知對方點，可能係我哋一廂情願呢，其實唔止田亮，只要有潛質嘅人都想簽。」
此外，無綫外事部高層曾醒明昨日就大匯演節目超時十五分鐘回應說：「第一部份比原定時間長咗，所以成個節目超時十五分鐘，之後嘅節目同廣告都順延播出，廣告客戶都冇異議，不過就接到五個觀眾投訴我哋暫停播《金枝慾孽》。」
採訪：朱倬誼、卓美娟
