港隊奪銀帶動熱潮　教練需求大增
乒乓用品銷量兩周升逾倍

【本報訊】港隊乒乓孖寶李靜及高禮澤奪奧運銀牌後，本地乒乓球用品如球板等銷量增加逾一倍；乒乓球教練的薪酬亦水漲船高，因學校教練或私人教練本已需求殷切，而且教練收入不俗，料會吸引更多人入行。部份家長讓子女學習乒乓球，亦是因為此運動極受學校重視，有助子女升讀名校。　記者：翁煜雄

萬達體育用品總經理郭劍虹說，港隊奪銀牌後十多天，乒乓用品銷量已大增，球桌以往每月約售出十張，但過去一周已售出十張，球板銷量增加兩、三成，乒乓球更倍增至售出逾萬個：「做咗二十幾年，呢次最犀利！」他說，售價約三百元的球板最暢銷：「好多人都係湊熱鬧，太貴驚自己打打吓會唔打，太平又驚唔靚。」

「打波當減肥」
郭劍虹又表示，需求本已殷切的教練更見渴市，如私人小組教授每小時學費達二百五十元，在學校任教練月薪約六千元，每周只授課三天，「打乒乓波都有出路。」
蘇俊華乒乓球訓練中心負責人蘇俊華亦稱，訓練班報讀人數增加兩成，除小童外，部份文職人員亦於下班後上課，「平時無運動，打波當減肥。」他又說，大部份中、小學都設乒乓球班，教練需求大，部份家長坦言讓子女學乒乓球，有助升學，「學校收生都會睇佢有無課外活動，乒乓波打得好可以幫學校贏校際比賽。」其六歲女兒慧音今年剛升讀一名校小一，「報名嗰時我哋有話佢打比賽攞獎。」

不應期望過高
慧音三歲半開始隨父親學打乒乓球，多次獲獎，今年更獲得恒生全港最具潛質獎及區際大賽八歲以下組三項冠軍，現逢周日下午在海港城海運大廈SportX作示範：「雖然我要讀小一，但係我唔會放棄打乒乓波，希望將來參加奧運。」
蘇俊華說乒乓球能訓練學童集中力及體能，但父母不應有過高期望，否則會造成壓力，「父母初初都話畀仔女學吓嘢，但見到佢哋攞個季軍，就會希望佢哋攞埋冠軍，小朋友開始打得唔開心。」
他說，訓練中心愈來愈多，消費者應小心選擇，如查看教練是否獲乒乓總會等資格、波枱是否足夠及教練是否了解學員長短處等。