估唔到開學之後，新相機陸續有來，SONY更於日前記者會發布秋季Cyber苫hot四路生力軍。主力有散發黑色專業魅力嘅V3，解像度提高至720萬，而同場更出現T1真正後繼機T3，既有T1硬淨金屬感，而機身更為輕薄，加埋兩部高質與流動性並重嘅P150及L1，真係令一班有心買機嘅玩家，心大心細，唔知揀邊部好！
記者：許福合 攝影：楊錦文 ImageGirl：小惠
感光元件：720萬像素SuperHADCCD
變焦：光學4倍/
精確數碼8倍
最大光圈：F2.8
ISO：100/200/400/800
LCD：2.5吋
記憶卡：MS/TypeICF
電源：專用鋰電
體積：119.8×72×63mm
重量：360g
今次推出嘅4個Cyber-shot系列中，論最接近專業機，當然首選V3，突破一般中檔機嘅標準，解像度達到720萬像素，而機背當然亦唔少得一個2.5吋巨芒配合，喺中價機算少有，淨係睇外形都已經覺得相當不俗。
鏡頭方面，使用「蔡司」Vario-Sonnar鏡頭，質素有保證之餘，亦具備4倍光學變焦。若仍然覺得唔夠玩，V3更可安裝廣角及遠攝鏡頭，亦可配上58mm嘅濾光鏡，只有花啲心思，要拍出「大師級」作品亦唔難。功能方面，V3手動同自動拍攝模式同樣齊全，快門/光圈先決、全手動模式都已具備，而對焦時，更可選用靈活對焦，破除一般相機「揀點」嘅對焦方式，基本上可選擇任何一點用作對焦，拍攝時就彈性得多。遇到環境黑暗，除可使用內置閃燈外，亦設有熱靴接駁外置閃燈，加埋SONY自家夜攝功能，令到V3可稱得上係一部全天候相機！另外記憶卡更學足F828，使用MS+TypeICF雙插槽，用家可以更多選擇。
T1賣個滿堂紅，更拉高咗500萬像素＋2.5吋嘅細機標準，不過隨後第二擊T11似乎有心無力，並未能完全接替T1地位，而今次T3相信可再度掀起換機熱潮。講規格，T3配510萬像素SuperHADCCD，配合「蔡司」靚鏡，設有3倍光學及6倍精確數碼變焦，而生招牌2.5吋芒當然亦唔會缺少，睇落同T1好似差唔多，不過其實機身變得更薄，只有17.8mm，兼且擺脫咗T11嘅膠感，好有金屬Feel，摸上手硬淨得多，而機身將有黑、銀兩色任揀，單係個樣已可吸引唔少愛靚嘅用家換機。功能方面，基本上由T1改進而來，其中超微距拍攝模式，可近至1cm拍攝，任何微細景物都影到。
感光元件：510萬像素SuperHADCCD
變焦：光學3倍/精確數碼6倍
最大光圈：F3.5
ISO：100/200/400
LCD：2.5吋
記憶卡：MSDuo
電源：專用鋰電
體積：91×60×17.8mm
重量：146g
SONYHK
查詢電話：23452966
除咗玩功能嘅V系及玩潮味嘅T系外，同場中重有兩大系列新機登場，以橫向機身設計為主，不過各自加入獨特賣點。
除V3外，另外還有部P150突破720萬像素，P150售價唔過$4,000，就可讓用家親手拍出超高解像相片，而機身並無因而變大，仍然保持住26.6mm薄，並且備有銀、深藍及黑三種顏色，攜帶上亦好方便。P150同樣使用「蔡司」鏡頭，配合高解像素拍攝，更能發揮靚鏡實力。P150嘅高速拍攝功能亦值得一讚，可以連環拍攝5張700萬像素相片，若果轉用VGA質素，更可以一次過拍100張，特別適合用來拍攝動態、快速移動嘅景物。
L1並未追求擁有高像素，功能齊全，不過仍然好吸引人注意，因為機身更潮！機身夠細部唔在講，更有3種顏色選擇，分別為磨砂銀、深藍及酒紅，個人推介酒紅色，特別之餘，機身更係鏡面設計，好搶眼！至於質素，其實L1對大部份用家都夠用，410萬像素，同樣使用「蔡司」鏡頭，有3倍光學及6倍精確變焦，雖然機細所限，機背只得一個1.5吋芒，相信用家都唔會介意。內置有7種拍攝模式，人像、風景、柔光、燭光、雪景及沙灘，協助用家更易拍出靚相。加埋可攝錄MPEGMovieVXFine影片，可謂動靜皆宜，最適合放喺身邊傍身。
