許冠傑（Sam）今年復出後，在短短五個月內開了三十八場演唱會，其個唱熱潮一時無兩。東南亞各地娛樂商有見及此，紛紛邀請阿Sam移師星、馬及內地開騷，但近日有消息指阿Sam將於十一月率先殺過澳門舉行十場演唱會。
許冠傑由今年六月開始，連計下月十日舉行的八場個唱在內，前後合共開過四次演唱會，場數達三十八場。阿Sam在這五個月內掀起的個唱熱潮，實屬近年演唱會史上的神話，難怪不少娛樂商向他打主意，邀請阿Sam移師外地做騷。
據知有娛樂商近期不停大花唇舌邀阿Sam在澳門、馬來西亞、新加坡及廣州等地舉行演唱會，甚至美加方面也有機構重金邀他開騷，但因美加路途遙遠，暫時阿Sam未作考慮，反而阿Sam對在澳門開騷較有興趣。澳門有關方面早前希望阿Sam能在香港舉行個唱後，於十一月在當地舉行十場演唱會，而一直為阿Sam製作演唱會的恆藝亞洲娛樂負責人丘亞葵，今早會拉隊到澳門睇場地。
譚詠麟和李克勤的「左麟右李演唱會」，今年三月在氹仔澳門運動場舉行，不過該運動場正在重建，故丘亞葵今早會充當先頭部隊，視察澳門幾個場地，包括澳門旅遊塔下的空地及回歸廣場等地點，當中選擇旅遊塔的機會較大，因為在露天演出會更具氣氛外，可容納的人數亦比體育場較多，可達七千人以上。
至於其他開個唱的地區，據悉製作商曾看過馬來西亞及廣州的場地，當做好資料搜集後才與阿Sam開會商討，但基於澳門方面誠意足，欲注資個唱的澳門娛樂公司透過張耀榮穿針引線下與丘亞葵磋商細節，經多番洽談後，阿Sam亦有興趣。不過，阿Sam連番舉行的香港個唱十分成功，所以移師外地不容有失，要在觀眾入場人數、製作效果、成本及保安管理四方面做得盡善盡美，阿Sam才肯演出。
昨日本報聯絡丘亞葵求證阿Sam於澳門開個唱一事，他在電話中說：「其實一直都有好多海外單位搵阿Sam開演唱會，但要視乎檔期，重有好多嘢要安排，澳門嗰邊係有人傾緊阿Sam過去做騷，但未落實做唔做，我聽日（今日）會過去睇咗景先，因為澳門地方有限，啲場地都要睇睇至決定。」
阿Sam的個唱每次都會邀請樂壇新血上台，有傳今次阿Sam的澳門個唱除原有的Sam'sAngel、彩虹仙子及楊枝甘露外，更有Sony唱片公司今年的力捧新人鄧穎芝擔任其中一位嘉賓。
此外，丘亞葵昨透露阿Sam下月十日的八場個唱門票已售罄，希望於下月八號及九號再加開兩場。
採訪：朱倬誼
