菲臘親王獎學金噚日頒發，「劍橋之友會」主席李國寶例牌出席，重邀請咗重頭人物政務司司長曾蔭權到場。雖然呢一位貴賓香港人一定唔陌生，不過寶baby仍然落足心機去「介紹」曾司長。佢話雖然司長當年唔識貨，竟然揀咗去哈佛進修，唔揀劍橋，不過由於哈佛都係位於劍橋郡，而且哈佛創辦人都係劍橋畢業，就算佢一次咁多啦。
baby講嘢雖然犀利，司長都唔弱，乘機賣廣告㖭，事關司長致辭時，講吓講吓，竟然提醒大家𠵱家重係政改嘅諮詢階段，又呼籲班獲獎學金嘅學子回應。唔知班學生出發去開學之前，會唔會回應一下畀多少意見呢？
傳真︰2623-9278
電郵︰