「以前生活本來唔錯，後來有腎病，做唔到嘢，最惡劣嘅時候我連落腳嘅地方都冇，喺單身人士宿舍住咗九個月，直至最近社工先幫我申請到公屋。」阿強欷歔地說。
四十二歲的阿強，原本從事印刷工作，擁有一個屬於自己的小單位。
可惜好景不常，三年前阿強不時感到腎絞痛及抽筋，而且小便帶血，經詳細檢查後，醫生證實他患上頗嚴重的腎結石。
「我好唔好彩，做咗四次體外碎石都冇辦法將啲腎石打碎，而且醫生話我心臟唔好，負荷唔到再做落去，都唔知點算。」受病魔折騰，阿強不但肉體承受莫大痛苦，更患上精神病，目前仍需接受治療。
由於無法工作，加上龐大的醫療開支，阿強經濟陷入困境，在社工協助下最近成功申請綜援金及公屋，基本生活才得以解決，惟他正愁無力購置一室家電用品。
阿強表示：「社會福利署畀嘅搬遷津貼，只夠買一張床、一個櫃同一把風扇，其他電器我通通都冇。」刻下，阿強最需要一部石油氣煮食爐、一個電飯煲及一部雪櫃。
「𠵱家冇煮食爐，唔單止煮唔到飯，連水都煲唔到，要成日買蒸餾水飲，好重皮。如果有煮食爐、有電飯煲，我就可以，慳番啲錢。」阿強歎道。 捐款編號：C1499
暖流熱線
電話：29908688
傳真：23702192
電郵：
網址：