「長毛」梁國雄四年前殺入新界東攞到一萬八千幾票一鳴驚人，今年捲土重來氣勢重勁，唔同機構嘅民調顯示「長毛」隨時成為「老薑」殺手，有機會同發叔黃宏發同民主黨黃成智一較高下，佢嘅支持者最近開始總動員為佢拉票。
「長毛」呢招催票絕招話難唔難，話易都唔容易，就係呼籲所有支持佢嘅人九月十二號當日一齊着上「長毛」標記，即係哲古華拉T恤上街，一來營造聲勢，二來可以提醒其他選民去投「長毛」一票。
八方唔知有幾多人會響應呢個構思，最大問題係有幾多人有哲古華拉Tee呢？如果想買又可以去邊度買呢？
傳真︰2623-9278
電郵︰