蒙嘉慧昨日以模特兒身份客串演出Cacharel秋冬時裝展，提到英國動物權益激進分子揚言對穿皮草的國際名模發動襲擊行動，蒙嘉慧表示雖不是環保分子，但由於有養狗，以及穿皮草有把動物穿上身的感覺，所以她也不喜穿皮草。
蒙嘉慧昨日客席示範西武旗下的法國品牌Cacharel最新秋冬時裝，但模特兒出身的她事後對自己的表現略有微言，她說：「雖然行過好多次show，但每次出場都有啲驚，今次着住對高跟鞋甩甩哋，都有啲緊張，希望將來可以行多啲fashionshow。」
問到有否留意英國動物權益激進分子譴責國際名模常身穿皮草招搖過市，並揚言會向她們發動襲擊的報道時，蒙嘉慧十分愕然的說：「自己就冇乜furitem，我雖然唔係環保分子，不過我唔鍾意着mink，好似着咗隻動物上身，加上自己有養狗，如非必要，我都唔會行furshow。」再問是否多多錢也不行furshow時，蒙嘉慧則說；「咁又唔係，唔會限死自己嘅。」
不過，蒙嘉慧也十分同情模特兒的遭遇，她說：「佢哋都係工作上嘅需要，冇辦法，就算愛護動物都唔需要咁激進。現實講句，我哋唔殺啲動物，佢哋都會自然死亡。」
此外，今個Cacharel秋冬新裝再次向懷舊風情出發，將嬉皮士概念注入飄逸的裙襬、緊身窄腳褲及連身裙上。色調則玩強烈色彩對比如紅配黑，並以繽紛的木珠子、蝴蝶結等details作綴，譜出浪漫懷舊情懷。
採訪：DebbieLum
攝影：IpKwanHoi
