跳水王子田亮及跳水公主郭晶晶訪港幾日周圍自由行，搞到啲fans日日追星追到氣咳。呢對緋聞情侶噚日係九龍公園紅蟲泳池表演跳水後，半夜差不到近十二點失驚無神走咗去海洋公園，之不過唔係去同海豚玩，而喺入去睇電影《精武世家》嘅拍攝情況。
當時Twins嘅阿嬌（鍾欣桐）同埋賭王個女何超儀正係公園裏面拍緊戲，Twins嘅阿Sa（蔡卓妍）後尾嗱嗱臨趕嚟，唔知係開工定八卦追星。
亮晶晶連日來喺香港無論去到邊都大受歡迎，郭晶晶日前公開話過希望四年後再戰北京奧運，又戴黑超、又識得係任何場合都甜笑同擺甫士嘅田亮，近日傳得好行話佢有意加入娛樂圈。八方聽聞亮晶晶嘅經理人曾經同英皇保母霍紋希食過晚飯，Mani講到明話英皇好想簽呢對金童玉女，捧佢哋做大明星，相信佢兩個一定會紅喎。八方暫時未八到對方點回覆，只知英皇噚日朝先大手筆送表、送珠寶，夜晚又帶亮晶晶睇拍戲，梗有啲嘢嘅。
傳真︰2623-9278
電郵︰