今年嘅公益金便服日將會喺中秋節（九月二十八日）舉行，公益金重特別拍咗一套電視宣傳片，稍後將在電視播出。身兼公益金籌募委員嘅影星黎明、公益金籌募委員會主席柯清輝、聯席主席陳祖澤及便服日籌劃委員會主席鄭海泉，噚日聯袂出席喺恒生舉辦嘅宣傳推介會。
據知柯老總、鄭老總及John陳，喺宣傳片內，將化身為三位卡通人物，佢哋原本都身穿西裝結領呔上班，但喺中環巧遇一位着便服嘅美少女後，就受到薰陶，一起改裝便服上班。睇過條宣傳片嘅人都話，卡通化後嘅柯清輝「靚仔」咗好多；鄭海泉則年輕瀟灑咗好多，上身粉紅色恤衫下身白長褲，帶頂帽；造型最貼近現實嘅，只有陳祖澤。
（圖）（左起）柯清輝、鄭海泉及陳祖澤一齊宣傳公益金便服日。
傳真︰2623-9278
電郵︰