由黃耀明和劉以達組成的達明一派，於八十年代紅極一時，而盧海鵬和廖偉雄當年在《歡樂今宵》扮演他倆組成「撻成一塊」搞笑，也是深入民心。後日達明一派會演出《拉闊音樂會》和年底的演唱會，黃耀明笑言要請撻成一塊做嘉賓。
由黃耀明和劉以達組成的樂隊達明一派，本周五會再聚首一堂，出席商台舉辦的《拉闊音樂會——人山人海包圍達明一派》，昨日他倆聯同人山人海成員和at17等人，於土瓜灣綵排。
黃耀明和劉以達自九六年後，便沒有合作推出唱片，而他們已計劃年底再開演唱會。一貫較正經的黃耀明笑說：「演唱會好多嘢都未諗，包括形象、嘉賓等。但如果真係要請嘉賓，我覺得可以請早年由盧海鵬、廖偉雄扮我哋撻成一塊，或者搵埋佢哋一齊影演唱會海報。我有睇過鵬哥早排做嘅戲，佢重好有型。」而身旁的劉以達亦感同意地說：「如果唔係可以搵佢哋拍段video，我哋一邊唱歌，一邊播條片都好。」
黃耀明續說：「自從上一次我個人演唱會阿達有做嘉賓外，我哋都好耐冇一齊唱歌。為咗今次我哋一星期前就開始排練。今次會唱舊歌為主，但年尾演唱會可能會有新歌，至於會唔會再一齊出唱片，𠵱家重考慮緊，但係阿達已經作咗好多歌喇。」
不過大家久未合作，黃耀明表示要求劉以達減肥，黃耀明說：「我係為佢健康，如果咁樣佢喺台上面咪郁唔到？」劉以達說：「人到中年，我係肥咗，𠵱家開始纖體，之前因水腫就睇過針灸，𠵱家睇中醫，我想回復番當年達明一派時大概一百三十磅嘅身形。」
採訪、攝影：王連連
