星期三，部份酒吧有LadiesNight，免入場費兼送杯飲品。今晚，吧照蒲，但地點變成蠔吧，皆因DotCod逢星期三晚有個OysteroftheNight，來自塔斯曼尼亞生蠔每隻只需$10。只要肚仔容得下，大可「蠔」一餐。
記者：招佩珊 攝影：陳智良
Model：Sammi、Ruby（StarAsia）
既係海鮮餐廳又係蠔吧嘅DotCod由香港木球會管理，富英國情調，傳統英式炸魚薯條、鱈魚焗批等都可喺呢度食到。餐廳經理Colin話，「逢星期三一向有特別活動，以前有LadiesNight，近日有呢個蠔情夜。」
到咗星期四及五晚，餐廳內會有一隻12呎×4呎海鮮艇出航，上面擺放海鮮次次不同，近日有來自澳紐4呎長Hapuka及鱸魚、法國青口及琵琶蝦等，平均每100克約$88-$128。由西式煎炸焗至中式豉椒炒或蒜茸蒸，任君選擇，不另收費。海鮮艇喺7、8月間曾一度「停航」，今次揀星期四及五再度出遊，皆因星期四特別多空運海鮮到。
名字較陌生嘅Tsarskaya生蠔，原產地係俄羅斯，現多數喺法國養殖。由入口商獨家供應，主廚Alex話香港只有店內可以食到，連五星酒店都搵唔到佢嘅蹤影。生蠔帶中度海水味及甘甘涼涼金屬味，會供應到10月。
鱈魚係餐廳最常用魚類，傳統英式炸魚屬招牌菜。鱈魚肉質較嫩滑，炸漿較香脆，無雪藏味，而點上Tartare醬，酸酸哋可減輕油膩感。
底層係拖肥，上面放香蕉，最後鋪上一層厚厚忌廉，再灑朱古力碎。拖肥香甜，忌廉軟滑，但成隻手掌咁大件，都係少食多滋味，多食就非常膩。
碟上生蠔主要來自加拿大、澳紐等地，平日每隻$32-$68，但喺星期三，來自塔斯曼尼亞生蠔會以$10發售，Order數量不限。澳紐地區正值冬天，生蠔尤其味美，Tasmania屬中等Size及帶海水味，滋味脆口，試過有豪客一次過𡁻四打，大飽口福。
係一般海鮮餐廳較少食到菜式，取魔鬼魚鰭部煎香，伴續隨子（Caper）、檸檬汁及白酒煮成醬汁蘸食。入口只覺滑嘟嘟兼魚味唔重，加埋味道酸酸哋醬汁一齊食，感覺特別。
DotCodSeafoodRestaurant&OysterBar（28106988）
地址：中環遮打道10號太子大廈地庫B4
營業時間：星期一至六：7:30am-11:30pm 星期日及公眾假期休息
座位：120個
交通：中環地鐵站K出口
