傅明憲老公葉劍波間做電鍍化學品嘅海域化工，八月曾披露話全球首富比爾．蓋茨嘅家族基金亦有投資喺佢哋公司，佔百分之五點三八股權，馬上令人刮目相看。但唔到一個月，蓋茨家族基金已賣股，減持至百分之四點八。
噚日海域化工開股東會，自然俾記者追問起箇中原因，不過，副主席許浩明似乎對呢個問題有啲唔多耐煩。佢叫啲記者唔好成日用人哋（蓋茨）個名嚟做新聞，話係毫無意義，一啲意義都冇，咁會搞到人哋唔夠膽再嚟投資。
至於減持原因，佢估係由於香港嘅上市條例規訂，投資者如果持有上市公司超過百分五股權，就要公開披露，或者對方唔想有咁多掣肘，所以就減到百分之五以下，轉做隱形人。
傳真︰2623-9278
電郵︰