「佢未攞金牌前又冇人話似我」
陳慧琳拒跟風叨郭晶晶光

中國奧運金牌精英抵港，不少明星都變成他們的小fans，爭相合照。陳慧琳（Kelly）前晚在上海出席晚宴，有指她與跳水皇后郭晶晶樣貌酷似，Kelly笑說：「佢唔攞金牌又冇人話佢似我嘅？」言下之意頗抗拒跟風借人宣傳。

陳慧琳前晚以一身價值四萬多元的Dior銀灰色裙，盛裝出席在上海金茂君悅酒店舉行的「與陳慧琳逆轉時空晚會」。大會筵開十多席，每席均以五大行星命名，Kelly與ParfumsDior高層坐於名為「太陽」的主家席，她坐足全場，並負責抽獎。
昨晚有份演出《奧運金牌精英大滙演》的Kelly會獨唱一曲，她前晚表示很心急一睹各奧運金牌精英風采。

曾被指似劉璇
外界指Kelly與跳水皇后郭晶晶樣貌酷似，她說：「吓？四年前已經俾人話似劉璇，𠵱家又話似郭晶晶，佢未攞金牌前又冇人話佢似我嘅？」
Kelly與Dior關係友好，一年可獲百萬元贊助，對此她說：「真係拎唔晒、着唔切，主要都係攞袋、飾物，益埋媽咪同啲朋友。」問她有否幫胞弟陳司翰拿一些服裝？她說：「咁我又冇咁貪心嘅。」

百萬贊助着唔切
Kelly又透露未來舉行演唱會，Dior亦會贊助她，她說：「Dior啲衫舞台感太重，我演唱會每part只有幾分鐘時間換衫，未必換得切Dior啲衫，可能會搵專人設計啲易換嘅衫。」
採訪、攝影：林妙萍