為咗鼓勵客戶開立戶口，恒生銀行最近搞咗個大抽獎，噚日進行頭獎頒獎儀式。恒生咁大間銀行，頭獎梗係勁啦，係價值超過30萬嘅JaguarX-Type跑車，獲獎嘅林紹海先生，佢噚日好開心去領獎，但係付出都唔少，要畀記者們影相同問問題，連幾多歲都話埋你知，難怪恒生大班鄭海泉除咗多謝林生幫襯之外，重要講句「辛苦晒你」。
不過原來林生自己無車牌，屋企人就有，惟有搵屋企人做柴可夫。呢架車好唔好？八方覺得幾靚仔、又係名牌，不過見到恒生大班鄭海泉嘅反應，就知一定係好嘢，事關佢同一班記者行家吹吹吓水，都不下數次望住架車讚句「真係幾好」。
（圖）鄭海泉好似好鍾意架車咁，當然要一齊影張相啦。
傳真︰2623-9278
電郵︰