國家為咗表示對特區嘅愛戴，第一時間派出奧運金牌得主嚟港澳地區滙演，同港人近距離接觸，唔知如果呢個星期日冇立法會選舉，阿爺有冇咁關照？
中國人最叻剛柔並重，共產黨更以群眾運動起家，呢樣係佢哋強項，香港人是否受落就要睇投票結果先知。有學者就話，香港人好醒，未必領情，舊年祖國夠送嚟太空人楊利偉，民建聯喺區選一樣輸晒。
唔理中央乜用心，老董一於入自己功勞，跟住金牌得主做攝石人攞分。喺電視見到郭晶晶，八方忽然想起佢老友，嫁為阿松婦嘅前跳水皇后伏明霞，好似唔見佢嘅芳蹤，據聞，嗰日喺禮賓府嘅活動，小伏的確不在特首邀請之列，反而李麗珊就有請到。
又噚晚老董特別忙，因為要兩頭趕，而眾人媽打李麗娟就喺大球場睇到尾，劉翔唱歌嗰陣佢重手舞足蹈，真係服咗佢。
（圖）郭晶晶（左）喺○○年奧運拍住伏明霞（右），不過今次禮賓府就冇請松嫂啦。
傳真︰2623-9278
電郵︰