大班鄭經翰成日話港姐老婆勞錦嫦唔想佢開咪，又唔想佢參選，上次佢喺秀茂坪邨俾人圍已經嚇到鄭太心驚膽震，不過大班初次直選唔衰得，老婆驚都要頂住。
據聞大班聽日會帶埋老婆去坪石邨家訪洗樓，大班話勞錦嫦以前住坪石邨，今次落區拉票時成日見到老街坊，有啲街坊當年重飲過佢哋結婚嗰餐，「老婆話不如搵機會去探吓班街坊，咁咪去洗樓囉。」大班後生時住喺彩虹邨，老婆住坪石，又好襯喎。不過坪石邨係「惹火尤物」陳鑑林老巢，今次由靚老婆出動直搗左仔基地，唔知會唔會再發生圍堵事件。
講起大班俾秀茂坪邨阿伯圍，大家睇《蘋果》都知當日埸面幾咁激烈，原來有市民當日在場用攝錄機拍低包圍場面，班街坊真係好激動，有興趣嘅市民可以到呢個網頁睇睇，
（圖）大班（中）出動老婆（左）助選，就係為送陶君行（右）入立會。
傳真︰2623-9278
電郵︰