海外車訊：獨家直擊<br>世界越野車日本賽站富士威盡

海外車訊：獨家直擊
世界越野車日本賽站富士威盡

以前提起「掃把佬」就會諗起飛仔車，無他，車頭特大通風槽加上引擎爆發力，已經成為富士嘅標記。前日去完日本北海道親身參觀世界越野車錦標賽（WRC），睇到每次掟彎飛沙走石嘅場面，聽到每次從勁粗尾喉輸出如煙花般爆裂嘅震撼感後，見證到富士車隊贏得日本分站賽一哥，更加覺得吐露港公路上嘅飛仔飛妹揸住嘅所謂「飛車」，真係小兒科！

記者、攝影：朱維達

SubaruImprezaWRCProfile
引擎：1994ccTurbo
馬力：300bhp/5500rpm
扭力：60kgm/4000rpm
尺寸：4415×1770×1390mm
車重：1230kg
傳動：6前速手波，四驅

■遠處聽到呢架WRC響喉，Fans已經起哄，正副車手出場時場面更加哄動。

雪鐵龍

WRC日本賽站車隊排名

■無論車隊抑或個人排名都因為日本賽站得到冠軍而有所提升，自然值得噴香檳慶祝。

富士

鈴木

富士■對於富士車隊PetterSolberg來說，這種所謂泥地比起荒山野嶺行走崎嶇路段確實係「Easy」！

雪鐵龍

嘉年華式錦標賽
自今年1月開始舉行的WRC（WorldRallyChampionship）進行至今已是第11個賽站（剩餘英、意、法、西、澳站），這次北海道賽事更是首年在日本舉辦，雖說是世界錦標賽，但感覺似嘉年華會多啲，每人花費8,000日圓入場（約560港元），除咗看台上一班Rallyfans外，其餘嘅都係一家大細鋪晒餐布帶埋三文治坐喺看台旁草地上野餐，好有越野風味！

名車靚女任觀賞
其實在Satsunai場內除了有接二連三嘅繞圈計分賽，還設有多個攤位，其中富士較有規模，售賣各種相關產品外，還展出了ImprezaSedanWRX、LegacyTouringWagon2.0GT及LegacyB4。
再坐約20分鐘車程抵達KitaAikokuServicePark，這裏較繞圈場更具規模，場內有多位樣貌索爆的賽車女郎，標致、三菱、雪鐵龍等亦設有展覽廳，展出多類型汽車配件及精品，當然，這一切都只為緊接而來嘅高潮營造些少氣氛……

福特

標致

■繞圈賽道上的彎角處最多觀眾，皆因可以盡覽各車手掟彎的真功夫。

■除了精品外，場內亦設有富士遊戲機，細路最啱！

富士車手出場最墟冚
最初覺得WRC受歡迎程度遠比不上F1，不過場內成千上萬嘅Rallyfans完全令我改觀，烈日當空依然不停叫喊其偶像車手名字，當今效力富士車隊的冠軍車手PetterSolberg及領航員PhilipMills揸住架ImprezaWRC「響喉」出場時，情況十足Twins出現旺角街頭一樣咁哄動，攬摸大喊要簽名樣樣有，為報答各Fans，頒獎台上當然少不了向觀眾勁噴香檳啦！
今次Solberg再一次取得分站冠軍，令車隊總成績超前標致進佔第三位，個人總排名成績亦躍升至第二位，剩下的賽事將會是第一至四位的角逐戰，9月17日英國賽事將會是關鍵。

■標致亦展出落場版跑車，遊客更可以進入車艙感受做車手(停車時的)滋味。

■這架Pajero曾在02年於DakarRally賽中贏得冠軍。

■看似一樣嘅前泵把其實部份已經在「越」戰途中被摧殘，等待更換。

■經過長途越野競逐，工作人員要立即為這架WRC快速裝身，以最靚仔一面出席頒獎禮。

■這班Rallyfans專程來到北海道捧PetterSolberg場，佢哋只係冰山一角。

■睇睇呢位叔伯就知咩叫做水洩不通啦！