奧運剛剛結束，大型球賽又未有，萬聖節要等到十月尾，呢排落吧有乜玩？唔通重咁老套又係大話骰？無錯，就係大話骰，不過唔係普通嗰隻，而係有八面嘅骰仔，玩法豐富好多；另外又有熱辣辣墨西哥舞、泰拳等節目，總之就係要搞㷫個場啦！
採訪：陳慧敏
攝影：周旭文、陳慧敏
最近有啤酒公司就以八面骰仔做新酒宣傳，呢種由1數到8嘅骰仔，除了RPG界經常用來抽寶物之外，就只有小學教立體圖時見過。用呢種骰仔玩骰盅，變化已經大咗好多，起碼7同8嘅乘數表要背番熟啲！
「大話骰」乃骰盅界入門必玩，人愈多、骰仔愈多就愈難估。如果照舊玩法，將「1」當成「百搭數字」計算，要拆穿人「講大話」難度就低啲。於是有人將1、4、7都當係「百搭數字」，隨時成枱都係同一個數字。
例：如果將1、4、7都當係「百搭數字」，這裏就已經有14個「8」，或者9個「5」了。
有乜特別？
一般玩大話骰要罰酒，例如我唔信你有13個8，結果現在有14個，我就要罰酒三分一杯，相差每多一個就添三分一杯。𠵱家「百搭數字」多咗，隨時要飲晒成杯酒！
每人骰仔4粒，庄家5粒，大家搖骰盅後庄打出骰子一粒，如下家不要或冇人碰就搖枱面那粒骰子，假若輪第二Round都無人碰或食，就重新搖骰盅再來一局。
例：圖中骰子2個7為一對眼，另有2及3，正叫1或4。
有乜特別？
多了兩個數字，食胡組合多了7連8的組合，冇咁寡。
有啲似小學學能測驗或者IQ題。首先隨意叫一個數字，搖骰盅後鬥快用加減乘除計算出該數字就贏，可以點人飲酒。
例：叫數字50
開出1，3，6，7，8，8
算式（8×1×7）－（6÷2＋3）
有乜特別？
計算起來挑戰性大了，腦筋要極速急轉彎。1至6時個數字最多可設定到200，但𠵱家可以設定到600。
特警酒吧（23936664）
通菜街252號地下