陳慧琳（Kelly）昨日以Dior化妝品代言人身份往上海，出席全亞洲區新聞發布會。提到拍攝廣告的難處時，Kelly表示導演要求她笑不露齒，但平時笑哈哈的她被考起，要練習多次才開始拍攝。
陳慧琳（Kelly）昨日以ChristianDior化妝品代言人身份，往上海金茂君悅酒店出席「陳慧琳逆轉時空之旅」記者會，吸引過百中、港、台、韓國及馬來西亞記者前來採訪，Kelly一天內接受了二百多個傳媒訪問，今天會返港演出奧運滙演。
Kelly穿上Dior秋冬新裝示人，型格中見野性。身為首位亞洲藝人擔任Dior化妝品代言人，Kelly表示十分開心，她說：「呢個廣告嘅意念同我嘅形象幾脗合，但係又好似拍咗另外一個Kelly出嚟，最高難度係導演要我笑不露齒，做一個既cool又神秘、自信嘅笑容，我平時一笑嘻嘻哈哈嘅，今次真係考起我，拍之前我重對鏡練習咗好耐㖭。」
問到護膚心得，Kelly說：「最緊要係落妝落得徹底，之後重要記得搽精華素同乳液，加上我啲皮膚好易敏感，次次出show前都要敷面膜。」她並大賣廣告說：「𠵱家我屋企好似迷你Dior化妝品counter咁。」
至於消除壓力方法，Kelly說：「我好好彩，基本上我係一個冇壓力嘅人，就算上到台唱歌跳舞亦唔會緊張，最多唔開心時會同經理人傾吓偈，真係好攰時，就會浸香薰浴，然後瞓一覺，第二日就一定冇晒事，呢個係一個最好嘅平衡減壓方法。」
記者DebbieLum上海直擊
