精明消費：<br>點止鬧鐘咁簡單嗌你起身兼功能多多精明消費：
點止鬧鐘咁簡單嗌你起身兼功能多多
唔經唔覺連大專生都陸續開學，大個仔，大個女，重要老媽子日日出動音波功先識起身，好醜怪啫！唔想再係咁，何不趁早買番個鬧鐘幫幫手，有趣怪響聲外，有些更具備一身功能，亦有賣相靚靚的，多種款式任你揀，適合任何人士口味，係時候揀番個好幫手！
記者：黃婉冰
攝影：蔡鴻雯、楊錦文
ImageGirl：Va（fromStarAsia）
功能組別一鐘多用
如果房間不算大，不如買個集多功能於一身的鬧鐘。市面有唔少鬧鐘款式，有埋日曆、溫度、氣壓、收音機，雜物箱又或紙巾座，樣靚又實用。
法拉利座枱儀表板
面蓋以法拉利獨有的鮮紅襯碳纖，100%法拉利跑車設計，仿跑車儀表板的鐘面，可同時顯示時間、日曆及溫度，摺合後Size有如一部MP3機。
售價：$598（d）
連CD機浴室都用得
有CD機、收音機及鬧鐘功能，除原有鬧聲外，可改用收音機作響鬧，一到預設時間，收音機就會自動開啟。有夜光及可防水，兩邊喇叭可摺合，乾濕電兩用，110W電壓，用濕電要加裝變壓器。
售價：$1,280（a）
四方積木任你砌
集收音機、鬧鐘於一身，另備有兩個小型喇叭，可單獨響鬧或選擇響鬧同時開埋收音機，重有重鬧功能。最特別係四個正方形可以任你調、任你砌，乾濕電兩用。
售價：$398（c）
瓣數最多：密碼日曆連雜物箱
外形有如迷你組合櫃，有筆插、雜物箱、2R相架，最盞鬼係雜物箱上有如摩斯密碼的日曆，只要分別將印有Month同Day的磁石放在適當位置上，數字就會顯現變成日曆。
售價：$120（f）
連首飾箱方便收納
煙囪可以用來插筆，鬧鐘旁為紙巾盒，另有一大一小抽屜形首飾箱同雜物櫃，屋仔細細「實用率」咁高，去邊度搵？
售價：$110（f）
感應切換顯示資料
有溫度、日期顯示，鐘內有感應器，只要用手在周圍輕輕一掃，鐘面的資料就會自動切換。每次轉換，旁邊的資料顯示燈都會閃動，話你知家陣顯示緊邊樣資料。
售價：$358（a）
可摺合便於收藏
設計充滿CyberFeel，收音機設有時間掣，可預設一個小時後自動熄機，亦可插耳筒，摺起後就會變成一個小柱體，收藏非常方便。
售價：$268（c）
趣怪響聲乜都有
日日要靠佢叫起身，普通響聲未能滿足你，唔緊要，最近市面有唔少新款產品都以趣怪響聲做賣點，有真人發聲、卡通音樂、連日本名曲都有，選擇夠晒多。
氹氹轉播多啦A夢歌
「誰都知我真喜愛，多啦A夢」外形有如骰仔嘅多啦A夢鬧鐘，主題曲響鬧聲輕奏時，鐘頂嘅多啦A夢同時空門就會慢慢轉動，一按右邊的按鈕音樂就會停。
售價：$448（a）
HelloKitty歡樂笑聲
粉紅咖啡杯，以Kitty開心玩樂笑聲作響鬧，一邊響咖啡杯會不停轉動，Kitty重會左右搖擺。笑聲比較溫柔，而且係三十周年紀念版，好有紀念價值。
售價：$680（b）
筋肉拳手聲大震天
響鬧先是一段震耳欲聾嘅音樂，再嚟會用日文大聲嗌醒你。單單㩒佢個頭頂掣都唔可以令佢收聲，要將身後黑色掣撥去Off先會完全唔再鬧，響鬧時鐘面重有閃燈㖭！
售價：$882（a）
輕奏：宇多田光名曲
六首宇多田光名曲，以16和弦輕輕彈奏，響鬧聲可選擇以同一首歌循環播放，亦可選擇六首歌輪流順序播出，可調校音量，有日期顯示，光妹名曲嗌起身，冧死。
售價：$538（a）
最新款：引擎聲車迷至醒神
用法拉利引擎聲做響鬧，車迷聽見實醒神。鬧鐘另附接收器，用來感應溫度、濕度、氣壓，重會顯示今日係晴天定雨天，應該用乾地胎定濕地車胎，果真照顧周到。
售價：$1,480（d）
超響：仿火警鐘響到拆天
嫌普通鬧聲未夠功力，可考慮Citizen呢款超勁響鬧鐘，響聲有如火警鐘，夠響又夠嘈，重可以自行調校音量大小，加上夜光燈，黑麻麻都唔怕。
售價：$175（d）
設計盞鬼前衞樣樣有
每朝擘大眼，一起身望見個靚靚鬧鐘，人都醒神啲！所以一於在此推介以下幾款靚靚鬧鐘畀大家，有日本Character，亦有簡約前衞的設計，實有一款睇得上眼！
至搞鬼：變臉小水母
以塑膠製成的小水母，隨鐘附送不同表情的眼、耳、口、鼻貼紙，畀你同佢大玩變臉，製造不同表情，將水母反轉就可睇時間，跳字鐘更有埋夜光燈。
售價：$180（c）
馬騮細細好慳位
最新款馬騮鬧鐘，外形簡簡單單，有五分鐘重鬧外，重會愈響愈大聲，加上身形細小，放喺豆腐潤咁細嘅床頭櫃都無問題。
售價：$128（b）
niKyoro可愛笑面
日本CharacterniKyoro，造型同傳統鬧鐘一樣，以笑臉做鐘面。響聲同傳統鬧鐘一樣響亮，最緊要係價錢經濟，掟難咗都唔肉痛。
售價：$54（c）
仿70掇黑橙傾斜鐘
懷舊賣相，圓形秒針襯粗幼時針同分針，充滿70年代感。原桶形設計四平八穩，傾斜角度啱啱好，瞓住睇時間都得。
售價：$88（c）
星閃閃LittleTwinStars
LittleTwinStars最新出品，當音樂聲響起時，鐘後的膠片就會不停亮起閃燈，視覺、聽覺效果一樣攞滿分，鐘面以仿鑽石代替數字，女仔實鍾意。
售價：$208（b）
Toy'sStory小紅鐘
連大男孩都喜歡的Toy'sStory，今次由兩位主角胡迪同巴斯光年齊齊出馬，小鬧鐘設有手挽，響鬧部份則設在鐘底，驟眼睇似唔似個公仔帶住Headphone？
售價：$169（a）
前衞高腳設計
講求品味者，簡約設計必會是頭號目標，這款全銀高腳設計，簡單又前衞，唔鍾意太多花巧同功能的人士，不妨考慮吓呢款！
售價：$110（e）
懷舊水晶球
c.i.d座枱半圓形水晶球，一身渾圓設計，Cyber得來又帶點懷舊味道，數字、指針都有夜光，鐘面設計好有阿爸年代感！
售價：$268（c）
售賣點：
（a） JCSHOP：31022783
（b） STRAWBERRY：27902124
（c） OLALA：31162945
（d） InWatch：23889963
（e） LogOn：22655333
（f） HangMeiProductsCo.Ltd：21551028
一身圓咕碌
DULTON這款鬧鐘，身形圓咕碌，頭頂一粒「的」，賣相有點兒似大秒表，分、秒針都以圓形作點綴，簡約有型。
售價：$110（e）
歪字膠鐘
b.c.l圓膠鐘，另一款簡約之作，大大個數目字東歪西倒，設計有品味，但只得3、6、9、12數字位，特此奉勸一句，唔識睇鐘，別買！
售價：$190（e）