黎明昨日在九龍塘舉行記者會，宣布與東亞唱片製作公司合作的第一張唱片，將於周六（十一日）推出，兼慶祝百仕活喬遷及東亞唱片開幕。
問黎明會否正式推薦女友舒淇加盟東亞出唱片？他說：「邊個都話我推薦，《見鬼2》又話係我推薦，要問番佢經理人公司。」
對於舒淇的歌喉，黎明說：「如果佢真係得，我會話佢得，如果話佢得又幫唔到件事就費事喇，我又唔係唱片監製。如果舒淇有特別新聞要我講，我會講撐到底，但如果只係咁簡單嘅事就冇意思。」至於同為百仕活旗下藝人的李嘉欣未見現身，黎明說：「費事，我今日係宣傳唱片，大家好清晰清楚，叫李嘉欣或者無謂人嚟，會俾人炒作，變咗唔係做唱片宣傳。」
採訪：魯萍
攝影：林德雄