曾經主演《東京攻略》嘅日本索女小澤真珠，早排被日本傳媒發現同演員唐渡亮拍拖，不過佢最近接受日本雜誌《婦人公論》訪問，聲稱𠵱家已經冇心上人，重話期待新戀情來臨㖭，擺明同唐渡亮分咗手。小澤三年前同唐渡亮一齊演出電影版《幪面超人阿極陀》而認識，上年秋天正式拍拖，估唔到唔夠一年已經玩完。