為改掉暴躁性格，十八歲的劉瑞明沒去上EQ（情緒智能）課或瑜伽，反而學習大多數人認為是女兒家「手作仔」的摺紙花藝術。經過多月鑽研，明仔不僅改掉陋習，更自製愛心花朵送贈老人院內一眾老弱，潤澤長者心靈，還榮獲救世軍港澳軍區頒發「傑出表現獎」。
記者眼前的明仔昂藏七尺，外表斯文，不難想像當他埋首摺紙花時會吸引奇異目光和譏笑聲。
「有啲同學見我摺花會笑我，不過我唔介意，女仔做到嘅嘢，點解男仔唔可以做？」明仔溫文地說。
剛滿十八歲的明仔，在香港出世，雙親均為內地人士，故他出生後一直在國內居住及讀書。
去年底，他希望學習獨立，毅然獨個兒回港生活，在社工安排下入住救世軍環翠宿舍。
明仔坦言舍員之間相處融洽，但其性格較為火爆，常因小事發脾氣，令人際關係出現小問題。
去年十二月，明仔參加救世軍港澳軍區轄下四個宿舍合辦的「自我增進獎勵計劃」，為自己訂下四至六個月期限，完成一項目標，明仔最終選擇令人意外的摺紙花。
「我見人哋用紙摺公仔，覺得幾得意，所以就揀咗呢樣，最初睇電視學，學咗第一日已經想放棄，因為好難。後嚟睇書同問朋友，慢慢愈摺愈有興趣，試過一日除咗食飯同瞓覺，其餘時間就用嚟摺花。」明仔笑說。
隨着不斷嘗試，由失敗到成功，明仔原本笨拙的雙手變得愈來愈靈巧，一朵朵萬紫千紅的玫瑰、百合、牡丹，就在他十指之間開花結果。除了宿舍職員有份收花之外，明仔還藉着探訪老人院，將紙花送給長者，滋潤他們枯竭的心靈。
「公公婆婆見到爭住要，我帶咗幾十支去都唔夠分，見到佢哋好開心，我亦好有滿足感。」明仔說。
順利完成自我增進計劃的明仔，早前獲頒「傑出表現獎」，以肯定他的努力和才華，極具鼓勵性。
「證明努力冇白費，同埋學到好多嘢，待人處事成熟咗，耐性亦好咗，識得控制自己情緒。」明仔說。
負責該計劃的社工說：「明仔以前幾容易唔開心，𠵱家就開朗好多。」
就讀中四的明仔說，他會繼續參與義工服務，藉親手製作的花朵傳揚愛心。
暖流熱線
電話：29908688
傳真：23702192
電郵：
網址：