今年夏季天氣特別炎熱，天文台不時發出酷熱警告，高溫令患癌的葉伯非常辛苦，寢食難安。
「屋企成個蒸籠咁，晚晚食飯食到成身汗，至弊一熱我個頭就痛，好辛苦。」葉伯歎道。
年逾六旬的葉伯，去年不幸證實患上前列腺癌，癌細胞並擴散至腦部，精神和體力也很差。受病情影響，葉伯經常有頭痛悶熱的感覺，他家中雖有安裝冷氣機，但月前卻突然失靈，現無法啟動。
葉伯夫婦早年分別任職看更及會計文員，九八年後，兩人相繼失業，積蓄耗盡後，夫婦被迫與二十二歲智障兒子靠綜援金生活。
「屋企部冷氣機有十幾年歷史，當年係朋友用好低價錢賣畀我哋嘅，老實講，𠵱家叫我哋再買就冇本事囉，所以好想整番好，但師傅一上門就要收百幾二百蚊檢查費，零件又要另計，我兩公婆真係負擔唔到。」葉太說。
蘋果日報慈善基金已將葉伯夫婦的個案，轉介聖雅各福群會家居維修義工隊跟進及報價，惟兩老無力支付有關維修費用，有待讀者援手。
捐款編號：C1497
暖流熱線
電話：29908688
傳真：23702192
電郵：
網址：