有傳Edison與合作了三年的男助手相處不協調，結果最近換了一位女助手。Edison對人要求很高，為他做事的人達不到其要求或做錯事，肯定要捱罵。
Edison笑說：「我好怕同蠢人做嘢，但我唔會憎蠢人，有時身邊同我做嘢嘅人一次又一次犯錯，我會發𤷪𤺧鬧人。」
Edison在陳嘉上和鍾繼昌導演的電影《A-1頭條》中扮演攝影記者，諷刺地，現實中的他對傳媒卻有頗大成見。
Edison勞氣地說：「我知道有啲記者對我好好，但有啲真係好冇禮貌同鍾意作嘢，好似上次我舉起手指公，嗰本雜誌就屈我做粗口手勢，重有啲狗仔隊見我同啲女仔一齊，就夾硬話對方係我女朋友，根本我連辯駁機會都冇。其實我好想同傳媒好好相處，希望大家可以尊重我，寫我嘅嘢時，最好向我求證吓。」
最近Edison與周杰倫、余文樂、黃秋生和杜汶澤等合作電影《頭文字D》，Edison興奮地說：「我同周杰倫幾傾得埋，佢幾得意，好鍾意買嘢，成間房都係玩具，拍呢部戲我哋相處得幾開心。今年同余文樂拍咗《江湖》同《頭文字D》兩部戲，相處多咗，對佢的確有唔同嘅睇法，起碼我會覺得佢做戲進步咗，喺工作上佢係幾專業，但佢私生活一面我唔了解，所以現階段同佢只限於工作上合作，唔會有乜私交。」
撰文：陳月媚 攝影：陳志嵐