徐子淇前晚為「EliteModelLook2004」決賽任評判，佩戴一條鑲上三千顆美鑽的頸鏈亮相。早前到澳洲曬得一身黝黑皮膚的她更自稱菲傭，可為男友李家誠執屋、煮飯。而昨日徐子淇出席活動時，又透露小時志願是當家庭主婦，生七個仔女，想嫁之情溢於臉上。
前晚在尖沙嘴舉行的「EliteModelLook2004」決賽，名模馬詩慧、楊崢、徐子淇和Rosemary等出任評判。二十二位參賽者穿上泳衣、晚裝和便服等行騷，最後由waMelanieZ.贏取冠軍，無綫藝員、1陳文靜成為亞軍，季軍則是6陳雅雯。
Elite出身的徐子淇及Rosemary，前晚各以閃爍鑽飾搶鏡。Rosemary以透視裝襯一條重逾十卡的lazareDiamond鑽石頸鏈亮相，她表示頸鏈是其二十歲生日禮物。徐子淇則戴上贊助商提供、由三千粒南非鑽石鑲製而成的巨型頸鏈，她說：「條鏈好重㗎，戴咗後好似變咗非洲土人咁。」
徐子淇大讚Elite說：「我十二歲見到Elitemodel好靚，好想參加，點知到十四歲佢哋主動搵我，真係夢想成真！」問她下一個夢想可是結婚時，她即笑着說：「唔係，係要碩士畢業。」而早前到澳洲曬得一身黝黑肌膚，問男友李家誠可有投訴時，徐子淇說：「多咗個賓妹，咪可以幫佢屋企執嘢、煮飯囉！」而離場時，徐子淇由一名司機駕着李家誠名下的平治房車接載離開。
此外，徐子淇昨日與劉綽琪到尖沙嘴出席纖體活動時大顯母愛，大會安排兩位小朋友扮演她們的小時候，但扮演徐子淇的小朋友因緊張而哭個不停，徐子淇即時又錫又抱，𠱁得小朋友破涕為笑，她說：「我好鍾意細路仔，小時候志願做家庭主婦，想生七個仔女。」問她男友可知其意願？她說：「好多人都知啦，總之我結婚一定會生BB。」
採訪：RitaLeung、CamelLok
攝影：WongManShing
