難忘雪中送炭　頂歌報恩
黑馬克勤哭擁華仔話當年

劉德華前晚舉行第四場演唱會，邀請了李克勤擔任嘉賓，克勤騎着華仔的「黑馬」上台後，便向華仔大送高帽說：「華仔一直都對我好好，好多年前我哋一齊去奧運，我大意衝咗出界線範圍，搞到俾人鬧，華仔第一個企出嚟同我擋，後嚟我開演唱會冇錢搞製作，華仔叫我放煙花，張單寄畀佢就得，連平時打保齡球佢都讓我二十分，華仔為我付出咁多，我今晚可以做嘅，就係為佢頂一首歌。」隨後二人合唱一曲《自作自受》，兩人邊唱邊相擁，且眼有淚光，令觀眾都為之感動。

拆除舞台兩邊天橋
此外，早前特別由日本運到港的大型舞台的兩邊天橋在該場已不見了，那兩條天橋原本是為方便讓華仔走向觀眾席，但第一場開騷時已遭觀眾投訴阻擋了他們的視線，只能看到三分二之舞台。為免本末倒置，華仔決定拆除該條花了三十萬元建的天橋。