楊思琦昨日以代言人身份出席護膚品宣傳活動，她找來好友朱凱婷任嘉賓，玩遊戲時更任人咀面頰，測試肌膚彈性。
楊思琦昨日出席在銅鑼灣怡東酒店舉行的護膚品記者招待會，好友朱凱婷、汪琳及駱樂等均有出席。思琦是該產品的代言人，並大玩遊戲，由朱凱婷蒙眼親吻思琦以及兩位模特兒，即場測試思琦肌膚彈性。
當朱凱婷親吻思琦後，她即大叫說：「呢個好彈嘴，好滑呀。」事後思琦賣口乖說：「係啊！男友都覺得我皮膚好咗，咁好我都有介紹男友用，因為有啲產品都啱佢用，除咗日常基本清潔外，重會教佢護理。」
至於酬勞，思琦覺得非常理想，她說：「有六位數字，好滿意，我會買嘢畀自己，剩低就會儲起嚟做首期買樓，等屋企人可以住大啲。」不過思琦表示不會跟男友一齊買樓，因為她還未打算結婚。
朱凱婷被笑指向思琦抽水，她說：「好尷尬，好似玩結婚，我好似好鹹濕咁，錫一吓就算啦，要hold住咁耐畀人影相喎。」她又表示近日皮膚變差，她說：「我嫲嫲半年前肺癌復發，我好擔心，全家心情都唔好，我又要成日去醫院探佢，可能咁影響到啩。」
採訪：StephenieYeung
攝影：HoKwokHo
