薛家燕因視網膜太薄，為防脫落，她昨日入院，接受費用逾二萬元的激光加厚視網膜手術。
薛家燕昨日完成《皆大歡喜》戲份，還未趕及落妝即在胞姊及長女祐珊陪同下，於下午四時許到港安醫院接受眼部手術。
早前自稱視網膜脫落的好姨，表示今次做手術的原因是她的視網膜太薄，為防脫落她接受視網膜加厚的激光手術，整個手術需時個多小時，毋須用麻醉藥，手術後視野有點矇查查。
昨日好姨到達醫院時，神色略為憔悴，她說：「我噚晚至知今日要做手術，好擔心，好驚呀，成晚瞓唔着覺。」對於有報道指做激光眼部手術或會引起後遺症，好姨說：「我問過醫生，佢話唔係嗰回事，用嘅機器係另一樣嘢，唔使擔心，佢哋用嘅所有儀器都係最update，幫我做手術嘅係全院最top嘅眼科醫生。」
昨日傍晚六時，戴墨鏡的好姨完成手術出院，她表示手術順利，費用為二萬多元，她笑稱自己睇嘢矇查查，好姨說：「本來我應該分兩次做手術，每次做一隻眼，但係我冇咁多時間，一日之內做晒兩隻眼。做手術嘅時候，每隻眼要戴一個厚嘅隱形眼鏡固定眼球，每隻眼閃成百幾吓（激光），都幾辛苦㗎。」
好姨揚言早前與孔慶翔（WilliamHung）拍攝電影《我阿媽發仔瘟》時，要拍一場潛水戲，當時她辛苦得想哭，但又怕影響眼睛。
好姨又表示陳寶珠曾跟她通電話，對方再三提醒她要休息，否則不理睬她，但好姨卻未知是否可以暫時停拍《皆》劇。
採訪、攝影：張俊銘