傅明憲昨日在金鐘主持愛護動物協會（SPCA）的獎券抽獎活動，以YSL秋冬新裝示人，並透露開始入貨換季，她說：「我今季最鍾意StellaMcCartney，因為呢個冬天好興fur，但佢同我一樣係愛護動物嘅人，唔會用真皮草。」
買衫時傅明憲會細心留意衣服標籤，又戒買鱷魚皮手袋及製品。秋冬將至，伊人勸告各界勿以野味進補，她說：「食野味係唔健康，又殺生，新聞報道有人偷運貓入境進補，呢啲人真係要拉去勞改，同罰去SPCA做義工。」
傅明憲續表示已戒吃魚子醬，連有魚子醬、羊胎素的護膚品亦不會選用。提到早前有報道指她指使老父買生果，她解釋說：「我嗰日啱啱喺日內瓦開完會返嚟，好倦，又着住條短裙，daddy錫住我咪幫我買囉！」
採訪、攝影：RitaLeung