近排少咗露面嘅房屋及規劃地政局局長孫明揚噚日出席「長者樂安居計劃」第二個屋苑彩頤居嘅開幕禮，負責協助房協管理呢個屋苑嘅香港聖公會福利協會更特別安排十位公公婆婆表演粵劇贈興，點知表演未開始，身為主禮嘉賓嘅孫公突然行埋去一位婆婆身邊，喊了一聲「姨媽」。
孫公呢位姨媽叫鄧麗英，今年已經八十七歲，鄧婆婆同八方講，佢一向都叫孫公「Michael」，佢話孫公由細到大都好乖，到𠵱家佢哋間唔中都會喺家庭聚會見面，姨媽即場演唱粵劇《六月雪》中一段曲目《十繡香囊》，高官「姨甥」聽得津津有味。
（圖）孫明揚姨媽鄧麗英話孫公細個好乖，𠵱家有時都會食吓飯、見吓面。
傳真︰2623-9278
電郵︰