徐子淇、余安安、官恩娜、周嘉玲和吳彥祖等，昨日在中環出席護膚品活動。身為代言人的徐子淇以低胸裝到場，她剛從澳洲拍完外景回港，曬得一身古銅色，原來全靠她的脫衣秘技。
徐子淇、周嘉玲、官恩娜、余安安、陳子聰、連凱、尹子維和吳彥祖等，昨日在中環出席護膚品Boots全球首間概念專門店開幕禮。品牌的代言人徐子淇穿上低胸裝到場，甚為搶鏡。
子淇昨日剛從澳洲拍完無綫劇集《赤沙印記@四葉草.2》乘飛機回港，然後便趕往出席活動。曬得一身古銅色的子淇說：「我拍呢套戲好開心，一日拍幾個鐘，一啲都唔辛苦，平時我喺英國少見陽光，所以我喺戲服下面着定比堅尼，唔使埋位我就除衫去曬太陽，如果喺香港就好驚人偷影。」
子淇在澳洲還看到有人裸泳，她說：「我着住比堅尼，然後趴喺度曬太陽，我重除埋泳衣條帶，我曬咗幾日就曬到古銅色效果，大家都笑我係印度西施。媽咪其實唔想我曬黑，但我遲啲返英國都冇乜機會見陽光。不過我做護膚品代言人，都係白啲好啲。」
余安安昨日穿上短裙到場，她小心翼翼，以防春光乍洩，她說：「我兩個女都好貪靚，成日借我啲衫着。我都有教佢哋選購胸圍，希望佢哋發育好啲。」
吳彥祖和陳子聰等接受皮膚測試時，吳彥祖被指皮膚缺水和腸胃不好，問到他一天可有飲八杯水，陳子聰即揶揄吳彥祖說：「佢一日飲八杯酒，佢腸胃唔係幾好，成日放屁同賴屎。」問陳子聰平時可有護膚時，吳彥祖即搶答：「你睇佢個樣都知迫唔到，不過身形（指肚腩）遲早個個都有，佢嚟得早。」
採訪：卓美娟
攝影：陳偉權
