近日大學生紛紛被揭搞淫賤迎新營，男女生脷叠脷、扮口交、男生戴胸圍扮女人、用口「舐」廁所板，招招「創新」，理大、城大、港大、中大同科大都話有份，令社會嘩然。港大校長徐立之對學生搞埋啲咁嘅嘢好無奈，佢噚日出席開學禮後都擰晒頭話，呢啲迎新營好似傷風感冒，有傳染性，令到幾間大學都染病。
徐校長嚟港大前，喺外國大學教過好一段時間，當然見過唔少大學迎新營，佢話呢啲淫賤活動，外國大學生早已唔玩。言下之意，即刻話香港大學生好out。徐立之係基因專家，佢話希望呢隻淫賤迎新病毒可以快啲變種，冇晒淫賤成份，令迎新營變得文雅。
傳真︰2623-9278
電郵︰