白鴿黨羅致光上周六遊飛機河單嘢，愈講愈多版本，一個堅持係中聯辦李剛佢哋疏忽，收到中央批文冇通知到上海放行，搞出個大頭佛；一個版本就話中央同上海溝通不足，中聯辦食死貓。
八方好奇，問究竟邊個有上海公安及邊防嘅最高話事權，知情人話應該係負責統領全國一百六十萬警力嘅公安部部長周永康。周部長非等閒之輩，乃中共中央最高權力核心政治局嘅委員，同呢兩日喺香港訪問嘅北京市委書記劉淇同樣身居要職，佢重係老江親信、曾慶紅親戚（一說係曾妹夫），直達天庭。
呢位以前從事石油勘探工作嘅老哥，膽敢唔聽曾慶紅「要同民主派溝通」嘅話，唔畀IQ羅入關，立場似乎有啲問題。
另外，阿石來電，佢噚晚已由穗安全返港，去唔到論壇因為要盡孝道，請大家原諒喎。
傳真︰2623-9278
電郵︰