曾一度來港發展的傅天穎（奀妹），近年多數時間留在台灣發展，奀妹表示當年因長期留港，除被誤會是港人外，更以為她不懂國語，所以未能順利開拓內地巿場，她希望可以大洗底，進軍內地。
傅天穎近年主要在台灣發展事業，回想起當初入行時，原本是她的胞兄傅中武被奀妹現在的經理人林子玄看中，欲要栽培他入娛樂圈，但後來傅中武卻跟林子玄結婚，反而就簽了奀妹做旗下藝人。
奀妹共有三兄妹，她是家中老么，甚得家人疼愛，奀妹和二哥傅中武感情最要好，傅中武在台灣當警察，不用上班時便會和太太探奀妹班。奀妹和二哥長得像餅印一樣，奀妹日前說：「我覺得哥哥好有演藝才華，他平時鍾意唱歌，講嘢又有幽默感，其實佢都好適合做呢行，不過最後佢去做咗做警察。」
問到奀妹未來發展大計，她表示要進軍內地巿場做過江龍，奀妹說：「我早年喺香港發展時，太深入民心，於是大家都以為我係香港人，唔識講國語，所以冇人搵我番內地拍戲，但𠵱家我返嚟台灣發展，明確啲講番我係台灣人，加上拍多咗劇，累積經驗多咗，我𠵱家嘅工作排到出年三月，等出年之後，我就進軍內地巿場。」
此外，奀妹表示很喜歡香港繁榮的生活，她說：「我都好想喺香港買樓，可惜香港樓價好貴，要買大間嘅屋要好多錢，希望好快可以賺多啲錢。」
採訪、攝影：比華利
