蘋果電腦自發展iMac系列以嚟，不斷加入各種古怪新嘗試，由元祖iMac、花花iMac到枱燈iMac，都達到一鳴驚人嘅境界。不過喺巴黎AppleExpo剛公布嘅iMacG5更厲害，簡約外形搭超強G5處理器，恍如猛男配美女嘅完美示範。
記者：徐影龍
對照以往舊型號iMac，都明顯見到蘋果一直致力將所有硬件整合喺屏幕度，將過往桌面電腦大牛龜形象徹底清除。新嘅iMacG5冇咁鬼靈精怪，採用較傳統嘅設計，以整合到屏幕為重點，呢類設計喺SONY一系列AVPC已玩過，更高明係iMacG5玩得更Slim更細，配合iMac、iBook系列至愛用嘅雪白機身，外觀上畀人一種高度簡約感，加上金屬腳架將機身凌空托起，可將最阻地方嘅鍵盤放喺屏幕下，大大節省放置空間。將最高階嘅20?iMacG5放喺枱面，遇到朋友到訪，恐怕因見不着電腦機箱而奇怪。
iMacG5外形幾近滿分，硬件配備亦毫不含糊。首先處理器已進化到蘋果電腦最強嘅G5級數，三種規格由1.6到1.8GHz時脈速度都有，雖未有頂級水冷處理器，不過以iMac市場定位，已足夠有餘。iMacG5暫時分三種規格發售，最高階配20茷拊鶠B1.8GHzG5處理器、160GB硬碟及DVD耎，賣價約港幣$14,800；而最低階型號配17茷拊鶠BDVDCombo、80GB硬碟等，賣價接近一萬港元。以賣相及規格計算幾抵玩。值得一提係兩款1.8GHz型號採用600MHz前端滙流排，整體表現比1.6GHz型號更為優勝。
相關網址：
