消費陷阱處處，本欄目根據消費者真實受騙個案，揭示不良營商手法，並以專家建議，讓讀者及早提防免損失。《消費陷阱》逢周一及周五刊出。
我係林小姐，最近決定與男友拉埋天窗，四出張羅找安樂窩，千挑萬選睇中屯門新樓慧景閣（圖）一單位，樓價一百三十二萬四千元；幾經思量，上月我們透過地產代理購買該單位，代理佣金為樓價百分之一點五，即是一萬九千多元。
簽約前我問清楚地產代理，該屋苑發展商有否向買家提供優惠。代理回答發展商只送律師費及釐印費。我記得代理實牙實齒話：「唔理買家選擇七成按揭加發展商提供二按，或者係選擇九成按揭，樓價都係一樣，冇優惠。」
我與未婚夫都沒有置業經驗，只有相信地產代理的專業意見，最終我選擇了七成按揭加發展商提供的二按，並簽署臨時買賣合約。
買了一間安樂窩，開心死了，我與未婚夫高高興興到銀行辦理按揭，銀行職員見我選擇了七成按揭，便提醒我說：「根據以前嘅個案，如果啲客唔選擇發展商嘅二按，樓價有折扣喎。你哋有冇問清發展商？」
我聽到職員的意見，如當頭棒喝，即暫停做按揭，動身向發展商查詢。發展商職員對我說，凡買家選用發展商的二按，樓價沒有優惠；但是選擇九成按揭，則獲九六折優惠。職員更強調：「我哋同地產代理講清楚。」
我知道後，氣上心頭，「原來唔用發展商二按有九六折優惠，我買嘅單位一百三十二萬四千元，減為一百二十七萬元，足足慳咗五萬幾蚊。好彩發現得早，但係因為已經簽咗約，要畀多一千九百蚊律師費改樓價。」
但無端蝕了成二千元，「如果代理一早同我哋講，就唔使畀呢筆錢啦！都唔知佢係疏忽無講，定係想樓價貴啲收多啲佣。」
文字由本報記者整理
1.決定購買或租賃物業前，小心視察物業
2.清楚了解自己經濟狀況，還款能力及銀行提供的按揭安排
3.簽訂臨時買賣或租賃合約前，要求代理提供最新業權資料
4.繳付任何款項後，立即要求代理發出收據作實
5.若交易告吹，要求代理立即交還代為託管款項
資料來源：地產代理監管局