江欣慈日前與組合Aunties拍攝歌曲《蔡慧玲》MV，阿慈除大玩睡衣派對，又穿上紅色旗袍，與Aunties在K房內載歌載舞。阿慈表示《蔡》曲是以好友名字命名，作為送給對方的生日禮物。
江欣慈日前與組合Aunties在卡拉OK房內，拍攝歌曲《蔡慧玲》MV。阿慈表示確有一位女性好友叫蔡慧玲，她的好友極喜歡到卡拉OK消遣，所以特別作了《蔡慧玲》這首歌，作為送給好友的生日禮物。
阿慈說：「我朋友真係好鍾意唱K，重可以日日都去，我就成日陪佢，咁佢唱歌都唱得好好聽，舊年佢生日時我都唔知送乜禮物畀佢，後來就諗不如作首歌當係禮物。」
阿慈又指《蔡慧玲》一曲不僅送給其好友，她表示蔡慧玲這名字亦代表了一眾喜歡唱K的香港人，她說：「其實呢首歌唔單止係送畀我朋友嘅生日禮物，重係一隻新式嘅生日歌，我係送埋畀一啲愛唱K嘅香港人，因為我知道好多人好似我朋友蔡慧玲一樣成日都去唱K。」
當日阿慈身穿格仔睡衣與Aunties在K房拍攝瞓覺場面，導演預備了一張床褥讓他們躺上，阿慈拍攝期間竟不知不覺睡着了。隨後阿慈換了一條紅色旗袍，於K房內與Aunties狂歡熱舞。
現實中阿慈不時與朋友唱K，她說：「我去唱K比較鍾意同一啲真係鍾意唱歌嘅朋友去，大家好似去較量一番咁，所以我哋好少會猜枚同飲酒。」
阿慈表示不會唱自己的K歌，她說：「我寧願聽人哋唱都唔會自己唱番，有時候睇番個MV都會覺得自己好好笑。」
採訪、攝影：李珮洳
