黃伊汶（Emme）將於下月推出個人大碟《GoodShow》，近日其新歌《好睇》已派上各電台，並獲眼鏡商贊助了數百副總值約六位數字的RayBan太陽眼鏡配合宣傳，日前Emme更親力親為，到唱片公司在各個眼鏡盒上貼宣傳標籤。
Emme表示以太陽眼鏡作新歌宣傳品，是為了配合新歌《好睇》的主題，她說：「一講到關於好睇嘅嘢，當然第一時間聯想到同眼有關啦！所以就聯絡咗一間眼鏡公司贊助我，佢哋除咗送出幾百副眼鏡之外，之後亦都會贊助我好多好靚嘅眼鏡。」
Emme自言平日亦喜收集太陽眼鏡，故今次獲得贊助可謂一舉兩得，她說：「我平時都會買好多眼鏡，今次有人贊助真係可以慳番唔少，而且好快就可以戴到一啲最新嘅款式。」
此外，前晚Emme在屯門拍攝《好睇》MV，共斥資二十五萬元製作，為配合煙火效果，穿上熱褲的Emme與四名男舞蹈員齊齊勁歌熱舞，十分誘惑。提到余文樂日前指她有家庭背景，故不會與她拍拖一事，Emme尷尬地說：「我聽唔到，個個人都有家庭背景，佢講笑啫。」
採訪、攝影：李珮洳